Buxoroda “Olmos qo‘l” filmining qayta suratga olinishi boshlandi
O‘zbekistonda mashhur “Olmos qo‘l” filmining qayta ishlangan “Nolomos qo‘l” nomi ostidagi yangi talqinining suratga olish ishlari boshlandi. Film rejissyorlari Mixail Semichev va Roman Kim suratga olishning bir qismini Buxoroda o‘tkazishga qaror qilishdi.
Asl nusxada Gorbunkov va Lyolik rollarini Yuriy Nikulin va Andrey Mironov ijro etgan edi. Yangi talqinda esa bu rollarni Timur Batrutdinov va Aleksey Vorobyov o‘ynaydi.
Filmning premyerasi 2024-yil 21-dekabrga mo‘ljallangan bo‘lib, yangi yil arafasida TNT telekanali orqali namoyish etiladi. Shuningdek, filmda boshqa taniqli aktyorlar — Maksim Lagashkin (“Qo‘ng‘izlar”, “Bo‘ron”) va Nikita Kologriviy (“Yigitning so‘zi”) ham ishtirok etadi.
Bogdan Burikin, atayin “Karavan-Info” uchun