Toshkentda yoshlar uchun Open Mic bo‘lib o‘tadi
Loyiha vokalistlar, musiqachilar, shoirlar va aktyorlarning ijodiy iste’dodlarini birlashtirib, yagona kontsert dasturiga aylantiradi. Tadbirda ishtirok etish barcha xohlovchilar uchun ochiq.
Birinchi shou 30-avgust kuni bo‘lib o‘tadi va “Tushlarda ko‘rishamiz” nomini olgan. Dasturda Asad Turg‘unov, Anastasiya Korsakova, Elina Sattarova va Regina Zaripova kabi taniqli musiqachilar va ijrochilar hamda X-Factor Uzbekistan musiqiy teleloyihasi ishtirokchilari ishtirok etadi. Kontsertda Christina Aguilera, Louis Armstrong, Kathrine Jenkins kabi jazz va opera asarlari, Sam Smith, Loreen, Hoizer, Mot, Lyosha Svik, VIA Yalla, Yo‘rqinhonja Umarov kabi xorijiy va mahalliy ijrochilarning asarlari ijro etiladi. Shuningdek, zamonaviy shoirlar Ax Astaxova, Yana Mkr va Olga Dingo asarlari o‘qib eshittiriladi.
Open Mic’da ishtirok etishga qaror qilgan har bir kishi uchun material tanlab olinadi va kontsert dasturiga muvofiq ravishda tayyorlanadi, dastur bir syujet chizig‘i atrofida quriladi va umumiy mavzuga bag‘ishlanadi.
Tadbirning tashkilotchisi sifatida Ziyo Forum ilm-fan va ta’lim rivoji jamg‘armasi faoliyat ko‘rsatadi.
Bogdan Burikin, atayin “Karavan-Info” uchun