Xitoy modasidagi zamonaviy yo‘nalishlar: “Gochao” hodisasi
Xitoy moda sanoati “Gochao” deb ataluvchi yangi yo‘nalishning yuksalishini boshdan kechirmoqda, bu allaqachon mamlakat yoshlari orasida ommalashib ulgurgan. “Milliy to‘lqin” deb tarjima qilinadigan bu hodisa an’anaviy xitoy unsurlarini zamonaviy modaga singdirishga qaratilgan harakatdir.
"Gochao‘ning asosiy g‘oyasi Xitoyning boy tarixidan ilhom olgan nozik kashta, yorqin naqshlar va ramzlar kabi milliy motivlardan foydalanishdir. Bu unsurlar kiyim va aksessuarlarni o‘ziga xos qilib, ularni madaniy merosning aks ettiruvchisiga aylantiradi.
"Gochao"ning tarqalishiga ommaviy iste’moldan voz kechib, mahalliy brendlarga afzallik beradigan Z avlodi alohida ta’sir ko‘rsatmoqda. Yoshlar milliy moda rivojlanishini faol qo‘llab-quvvatlab, uni odatiy xorijiy markalarga qarshi qo‘ymoqda. Agar katta avlodlar xalqaro brendlarga e’tibor qaratgan bo‘lsa, hozirgi yoshlar Xitoy ishlab chiqaruvchilari jahon miqyosida raqobatlasha olishiga ishonadi va o‘z vatani mahsulotlarini g‘urur bilan tanlaydi.