Nukusda o‘tkazilgan eko-marafonda 2000 dan ortiq ishtirokchi qatnashdi
Qoraqalpog‘iston Respublikasi poytaxti Nukus shahrida ilk bor Nukus Half Marathon ekologik yugurish musobaqasi o‘tkazildi. Ushbu marafonning asosiy maqsadi — mintaqaning ekologik muammolariga e’tibor qaratish va sog‘lom turmush tarzini ommalashtirishdir.
Musobaqada qariyb 2000 kishi ishtirok etdi, ulardan ayrimlari Buyuk Britaniya va Shotlandiyadan kelgan mehmonlar edi. Ishtirokchilar 5, 10 va 21 kilometrlik masofalarda kuch sinashdi.
Marafon yakuniga ko‘ra, g‘oliblar ilk bor ularning murabbiylari bilan birgalikda taqdirlandi. Erkaklar o‘rtasida 5 km masofada birinchi o‘rinni Eldor Botirov, ayollar o‘rtasida esa Arofatxon Imomalieva egalladi. 10 km masofada eng yaxshi natijani Bekzod Boymatov va Moxinabonu Komilova ko‘rsatdi. Eng uzoq masofa, ya’ni 21 kmda esa Otabek Toshqovov va Azizaxon Mirzakbarova g‘olib bo‘lishdi.