San’at havoni asraydi: Toshkentda noyob devoriy rasm paydo bo‘ldi
O‘zbekiston poytaxtining Sergeli tumanidagi turar-joy binosida rassom Nadejda Riksiyeva tomonidan yaratilgan o‘ziga xos devoriy rasm paydo bo‘ldi. Bu san’at asari nafaqat shaharni bezab turibdi, balki BMT tomonidan ifloslanishga qarshi kurashning eng istiqbolli yechimlaridan biri deb tan olingan Airlite innovatsion bo‘yog‘i tufayli havoni ham tozalamoqda.
Airlite bo‘yog‘i fotosintez tamoyili asosida ishlaydi, quyosh nuri ta’sirida ifloslantiruvchi moddalarni zararsizlantiradi. 250 kvadrat metr maydonni qoplagan bu bo‘yoq kuniga 50 ta avtomobil chiqaradigan ifloslanishni bartaraf etishga qodir. Bundan tashqari, Airlite quyosh nurlarini qaytarib, binolarning haddan ziyod qizib ketishining oldini oladi va “issiqlik oroli” ta’sirini kamaytiradi.
Joy bejiz tanlanmagan: Sergeli tumani Toshkentdagi eng aholi zich joylashgan va tez rivojlanayotgan hududlardan biri hisoblanadi. Devoriy rasm toza havo ramzi bo‘lib, ekologiya uchun kurashning natijasi sanaladi. Havoni tozalash samarasi uzoq vaqt davom etadi va yog‘ingarchilik bilan yanada uzayadi. Bo‘yoqning bir litri narxi 23 yevroni tashkil etdi (logistika va bojxona rasmiylashtiruvi xarajatlaridan tashqari).