O‘zbekistonda korrupsiyaga qarshi kurash kuchaytiriladi
Oliy Majlis Senatida Sud-huquq masalalari va korrupsiyaga qarshi kurashish qo‘mitasining yig‘ilishi bo‘lib o‘tdi. Majlisning asosiy mavzularidan biri ‘Manfaatlar to‘qnashuvi to‘g‘risida‘gi Qonunning ijrosi masalasi bo‘ldi.
Uchrashuvda joylardagi davlat organlarida korrupsiya holatlari va ichki nazorat bilan bog‘liq muammolar muhokama qilindi. Bu muammolar qonunchilik buzilishiga sharoit yaratayotgani ta’kidlandi.
Senatorlar hududiy Kengashlarning korrupsiyaga oid huquqbuzarliklarni aniqlash va ularga chek qo‘yish bo‘yicha faol ishlashi muhimligini alohida qayd etdilar. Qonun buzilishlari tezkor choralar ko‘rish va oqibatlarini bartaraf etishni talab qilayotgani ta’kidlandi.
Yig‘ilish yakunida korrupsiyaga qarshi kurashish bo‘yicha ishlarni yanada kuchaytirish, shuningdek, Qonun ijrosi samaradorligini oshirish va huquqbuzarliklarni bartaraf etish yuzasidan chora-tadbirlarni amalga oshirish to‘g‘risida qaror qabul qilindi. Vazirlik va idoralarga korrupsiyaga qarshi kurashish bo‘yicha ishlarni takomillashtirish uchun kompleks chora-tadbirlar ishlab chiqish va amalga oshirish topshirildi.