O‘zbekistonda kiyim-kechak ishlab chiqarish hajmi 34 trillion so‘mga yetdi
2024-yilda O‘zbekistonda kiyim-kechak va aksessuarlar ishlab chiqarish hajmi 33,8 trillion so‘mni tashkil etdi. Statistika agentligi ma’lumotlariga ko‘ra, bu summaga to‘qimachilik, charm, trikotaj va to‘qima mahsulotlarini ishlab chiqarish kiritilgan.
Ushbu soha barcha turdagi kiyimlarni qamrab oladi: ustki va ichki kiyimlar, ish va rasmiy kiyimlar, kundalik va sport kiyimlari, shuningdek, bolalar, erkaklar va ayollar uchun mo‘ljallangan mahsulotlar.
Ishlab chiqarish barqaror o‘sish sur’atini namoyon etmoqda: 2020-yilda ishlab chiqarish hajmi 10,4 trillion so‘mni, 2021-yilda 13,6 trillion so‘mni, 2022-yilda 17,3 trillion so‘mni, 2023-yilda esa 23,1 trillion so‘mni tashkil etgan.