O‘zbekistonda zargarlik buyumlari importiga bojxona bojlari pasaytiriladi
O‘zbekistonda 2027-yilgacha tayyor zargarlik buyumlariga bojxona boji 20 foizdan 10 foizgacha pasaytiriladi. Shuningdek, xorijda ishlab chiqarilgan zargarlik buyumlari savdosini tartibga solish bo‘yicha yangi qoidalar kiritilmoqda: bunday buyumlarni bojxona to‘lovlari to‘langanligini tasdiqlovchi hujjatlarsiz chakana savdoda sotish mumkin bo‘lmaydi.
Talab 2024-yil 1-sentyabrgacha buxgalteriya me’yorlari bo‘yicha hisobga olingan tovarlarga ta’sir qilmaydi.
Bundan tashqari, qimmatbaho metallar parchalari va chiqindilarini eksport qilish faqat litsenziya mavjud bo‘lgan taqdirda mumkin bo‘ladi, yarim tayyor zargarlik buyumlarini esa Asillik inspeksiyasining xulosasisiz O‘zbekiston tashqarisiga olib chiqish mumkin bo‘lmaydi. Jismoniy shaxslarga 200 grammgacha kumush, 65 grammgacha oltin va boshqa qimmatbaho metallarni bojxona deklaratsiyasini to‘ldirmagan holda olib chiqishga ruxsat beriladi, undan ortiq vazn uchun esa deklaratsiya talab qilinadi.