O‘zbekiston va Litva transport sohasidagi hamkorlikni kuchaytiradi
O‘zbekiston transport vazirining birinchi o‘rinbosari Mamanbiy Omarov Litvaning Olmaotadagi bosh konsuli Gvidas Kerushauskas boshchiligidagi Litva Respublikasi vakillari bilan uchrashuv o‘tkazdi.
Tadbirda transport va logistika sohasidagi ikki tomonlama aloqalarning bugungi holati va ularni yanada rivojlantirish istiqbollari muhokama qilindi.
Tomonlar yuk tashish hajmini oshirish va yuk yetkazib berish barqarorligini ta’minlash bilan bog‘liq masalalarni ko‘rib chiqdilar. Shuningdek, savdo aloqalarini mustahkamlashga xizmat qiladigan tashuvlar uchun qo‘shimcha ruxsat beruvchi hujjatlarni almashish rejalari muhokama qilindi. Uchrashuvda temir yo‘l vagonlarini ta’mirlash va O‘zbekiston va Litva o‘rtasida aviaqatnovlar, xususan, Vilnyusga reyslarni ochish imkoniyati haqida so‘z yuritildi.