O‘zbekiston Xitoydan konditsionerlar importini ko‘paytirdi
O‘zbekiston 2024-yilning yanvar-noyabr oylari davomida umumiy qiymati 94,6 million dollarga teng bo‘lgan 355,8 ming dona konditsioner import qilgani Statistika agentligi tomonidan ma’lum qilindi. Uskunalarning asosiy yetkazib beruvchisi Xitoy bo‘lib, u yerdan 342,6 ming dona uskuna keltirildi.
O‘zbekistonga konditsionerlar eksport qiluvchi boshqa davlatlar orasida Turkiya (5,1 ming), Qozog‘iston (3,7 ming), Italiya (1,1 ming), Tailand (0,9 ming) va boshqa bir necha davlatlar bo‘lib, ularning ulushi jami 2,4 ming donani tashkil etdi.
Shu bilan birga, O‘zbekiston o‘z konditsionerlarini faol ravishda eksport qilmoqda. Ushbu davr mobaynida mamlakatdan umumiy qiymati 10,9 million AQSH dollariga teng bo‘lgan 46 358 dona mahsulot jo‘natildi. O‘zbekiston mahsulotlarining eng yirik xaridorlari Ozarbayjon (21 418 dona), Tojikiston (12 577 dona) va Qirg‘iziston (4 788 dona) bo‘ldi.