Janubiy Koreya va O‘zbekiston iqtisodiy hamkorlikni mustahkamlamoqda
Qashqadaryo viloyatida Janubiy Koreya kompaniyalari vakillari Qarshi shahri hokimi Normo‘min Xolboyev bilan muzokaralar o‘tkazdi. Muhokamalarning asosiy mavzusi tibbiyot, sanoat, uy xo‘jaligi va kosmetika sohalarida qo‘shma loyihalarni amalga oshirish istiqbollari bo‘ldi.
Mehmonlar “Qavali” va “Buyuk Turon” sanoat zonalarini, shuningdek, viloyatdagi tibbiyot klinikalari va klasterlarini ziyorat qilishdi. Janubiy Koreya delegatsiyasi viloyat infratuzilmasini yuqori baholab, faol investitsiya kiritishga tayyorligini izhor etdi.
Uchrashuvlar yakunida Qarshi shahrida qo‘shma loyihalarni yo‘lga qo‘yish, investitsiyalarni jalb etish va ishlab chiqarishni rivojlantirish bo‘yicha kelishuvlar imzolandi.