Uch davlat Bosh vazirlari hamkorlikni mustahkamlash masalalarini muhokama qildilar
Qirg‘iziston, Tojikiston va O‘zbekiston bosh vazirlarining muhim uchrashuvi uch davlat chegarasi tutashgan joyda bo‘lib o‘tdi. Unda mintaqaviy hamkorlikning asosiy masalalari muhokama qilindi. Asosiy e’tibor savdo, logistika, energetika, suv resurslaridan foydalanish va madaniy aloqalar sohalaridagi hamkorlikni kuchaytirish masalalariga qaratildi.
Uchrashuv ishtirokchilari chegaraoldi va mintaqalararo hamkorlikni rivojlantirishga alohida ahamiyat berdilar. Ularning fikricha, bu mamlakatlar o‘rtasidagi munosabatlarni mustahkamlashda muhim rag‘batlantiruvchi omil bo‘lishi mumkin. Muzokaralar davomida bosh vazirlar Qirg‘iziston va O‘zbekiston o‘rtasidagi chegarani belgilash jarayoni muvaffaqiyatli yakunlanganini, shuningdek, ratifikatsiya yorliqlari almashilganini mamnuniyat bilan qayd etdilar.
Bundan tashqari, Qirg‘iziston va Tojikiston o‘rtasidagi chegaraning qolgan qismlarini tavsiflash bo‘yicha ishlarni tezlashtirish zarurligi ta’kidlab o‘tildi.