O‘zbekistonda inflyatsion kutilmalar ikki yillik maksimumga yetdi
O‘zbekistonda inflyatsion kutilmalar o‘sishda davom etib, fevral oyida 2023-yildan beri eng yuqori darajaga yetdi. Bu haqda Markaziy bank tomonidan o‘tkazilgan so‘rov natijalari ko‘rsatmoqda.
Regulyator hisobotiga ko‘ra, aholi orasida kelgusi 12 oy uchun o‘rtacha narxlar o‘sish prognozi 15,3% ni, medianniy ko‘rsatkich esa 13,2% ni tashkil etdi. Eng yuqori inflyatsion kutilmalar Toshkent shahrida (19%), Toshkent viloyatida (18%) va Farg‘ona viloyatida (17,5%) qayd etildi. Eng optimistik prognozlar esa Sirdaryo, Navoiy va Jizzax viloyatlarida kuzatilmoqda.
Turli sohalar orasida sanoat, transport va ta’lim xodimlari eng yuqori inflyatsion kutilmalarga ega. Inflyatsiya bo‘yicha prognozlar daromad darajasiga ham bog‘liq: daromadi yuqori bo‘lgan fuqarolar narxlarning sezilarli oshishini kutmoqda.
Aholining inflyatsion kutilmalariga ta’sir qiluvchi asosiy omillar kommunal xizmatlar tariflari (63% respondentlar), yoqilg‘i narxlari (52%) hamda monopoliyalar va spekulyatsiya (32%) bo‘ldi.
Inflyatsion kutilmalar biznes subyektlari orasida ham yanvar oyidagi pasayishdan so‘ng yana o‘sdi. O‘rtacha ko‘rsatkich 13,8% ni, medianniy esa 11,2% ni tashkil etdi. Eng yuqori kutilmalar Toshkent shahri, Farg‘ona va Toshkent viloyatlarida kuzatildi. Soha kesimida esa qurilish, qayta ishlash sanoati va hunarmandchilik yetakchilik qildi.
Biznes vakillari inflyatsion prognozlariga ta’sir qiluvchi asosiy omillar sifatida kommunal to‘lovlar (58%), energiya xarajatlari (50%) va valyuta kursining o‘zgarishini (43%) qayd etdi. Shuningdek, transport xarajatlarining oshishi ham ta’sir qilgan.
Bundan avval O‘zbekiston Markaziy banki asosiy stavkani oshirish orqali inflyatsiyaning sekinlashishini kutayotganini ma’lum qilgan edi.