Oʻzbekiston Ozarbayjonda 54,4 million dollarlik paxta klasterini tashkil etmoqda
Oʻzbek kompaniyasi Tukımachı Sanoat Tekstıl (TST GROUP) Ozarbayjonda paxta klasterini yaratish doirasida beshta korxona ochadi. Vesti.az portalining xabar berishicha, loyihaga jami investitsiyalar 92,5 million manat (54,4 million dollar) deb baholanmoqda.
TST GROUP uzoq muddatli foydalanish uchun Imishli tumanidagi agropark hududida 5 826 gektar qishloq xoʻjaligi yerlarini oladi. Kompaniya paxta dalalari yaratadi, soʻngra paxtani qayta ishlash zavodi, yigiruv, toʻquv va tikuv fabrikalari hamda paxta moyi ishlab chiqarish zavodini quradi.
Ozarbayjon OAV xabar berishicha, 2024-yilning yanvar-may oylarida Oʻzbekiston va Ozarbayjon oʻrtasidagi savdo aylanmasi sezilarli koʻrsatkichlarga erishdi. Umumiy savdo hajmi qariyb 100 million dollarni tashkil etdi. Hamkorlik yoʻnalishlari orasida energetika, transport va logistika infratuzilmasini yaxshilash va boshqalar mavjud.
"Karavan-Info"