O‘zbekistonda Rossiyaning CHERY avtomobillari uchun ehtiyot qismlar ishlab chiqarish yo‘lga qo‘yiladi
Zangiota tumanida joylashgan "Technologies of Real Time" O‘zbekiston-Singapur korxonasi Rossiya delegatsiyasi bilan Rossiya avtosanoati uchun avtomobil butlovchi qismlarini ishlab chiqarishni yo‘lga qo‘yishga kelishib oldi.
O‘zbekistondagi zavod Moskva viloyatidagi "Yesipovo" sanoat parkiga ehtiyot qismlar yetkazib beradi, u yerda Xitoyning "CHERY" brendi ostida avtomobillar ishlab chiqariladi. Ushbu kelishuv korxona vakillari va Rossiya tomoni o‘rtasidagi muzokaralar natijasi bo‘ldi.
Avvalroq, Rossiyaning "Avtovaz" avtomobil ishlab chiqaruvchisi mahalliy hamkorlar tayyor bo‘lsa, 2025-yil davomida o‘z avtomobillarini O‘zbekistonda mahalliy brend ostida yig‘ishni yo‘lga qo‘yishga tayyorligi haqida yozgan edik.