O‘zbekistonda pullik tibbiy xizmatlar yanada arzonlashadi
O‘zbekistonda davlat muassasalari tomonidan ko‘rsatiladigan pullik tibbiy xizmatlar yanada arzonlashadi. Moliya va iqtisodiyot vazirligi Sog‘liqni saqlash vazirligi bilan birgalikda pullik tibbiy xizmatlarning cheklangan qiymatini pasaytirish to‘g‘risida qaror qabul qildi.
Kiritilgan o‘zgartirishlarga ko‘ra, pullik tibbiy xizmatlarning eng yuqori qiymati byudjet mablag‘lari hisobidan davolash-profilaktika muassasasi tomonidan ko‘rsatiladigan xuddi shunday xizmatlar qiymatining 20 foizidan oshishi mumkin emas. Ilgari bu ko‘rsatkich 25 foizni tashkil etgan.
Qaror 2025-yil 7-mayda ro‘yxatdan o‘tkazilgan va 2025-yil 8-maydan kuchga kirdi.
Ushbu chora aholiga tibbiy xizmatlardan foydalanish imkoniyatini oshirish va fuqarolarning moliyaviy yukini kamaytirishga qaratilgan.