Rossiya va O‘zbekiston mehnat migratsiyasi masalalarini muhokama qildi
28-noyabr kuni Rossiya elchisi Oleg Malginov O‘zbekiston tashqi ishlar vaziri o‘rinbosari Olimjon Abdullayev bilan uchrashdi. Muzokaralar davomida tomonlar mehnat migratsiyasi va xorijdagi O‘zbekiston fuqarolarining huquqlarini himoya qilish sohasidagi muhim masalalarni ko‘rib chiqdilar.
Uchrashuvning asosiy mavzulari O‘zbekiston fuqarolarini Rossiya korxonalarida ishlash uchun tashkillashtirilgan tarzda jalb qilish, mehnat muhojirlarining huquqlarini ta’minlash bo‘yicha qo‘shma chora-tadbirlar, O‘zbekiston Tashqi ishlar vazirligi, Migratsiya agentligi, Ichki ishlar vazirligi va Rossiya elchixonasi vakillari o‘rtasida har haftalik uchrashuvlar uchun ishchi format yaratish to‘g‘risidagi kelishuv bo‘ldi.
Ushbu uchrashuvlarning maqsadi — migratsiya oqimlarini tezkor muhokama qilish va tartibga solishdan iborat.
Rossiya tomoni O‘zbekiston fuqarolarini Rossiya Federatsiyasiga tashkillashtirilgan tarzda ishga yuborishdan manfaatdorligini tasdiqladi, bu esa mamlakatlar o‘rtasida mehnat migratsiyasi sohasidagi hamkorlikning muhimligini ko‘rsatadi.