70 kunlik hosil: O‘zbekistonda Rossiya kartoshkasining ertapishar navi sinovdan o‘tkazilmoqda
Jizzax viloyatining Baxmal tumanida kartoshkaning yangi navlari sinovdan o‘tkazilmoqda. O‘zbekiston Qishloq xo‘jaligi vazirligidan ma’lum qilishlaricha, joriy mavsumda bu yerda 3000 gektarga yaqin tuganakli ekinlar ekilgan bo‘lib, shundan 20 gektari Rossiyaning "Chuvashskiy" navi bilan band.
Ushbu nav o‘tgan yili viloyatda birinchi marta sinovdan o‘tkazildi va gektaridan 50 tonnagacha yuqori hosil berdi. Asosiy afzalligi — tez yetilishi: atigi 70 kun. Bu fermerlarga erta mahsulot olish va uni tezda bozorga chiqarish imkonini beradi.
Kelgusi uch yilda xorijiy navlarni sinash davom ettiriladi. Agar iqlimga moslashish muvaffaqiyatli bo‘lsa, nav mahalliy urug‘chilik tizimiga kiritiladi, bu esa O‘zbekistonni sifatli va barqaror ekish materiali bilan ta’minlaydi.