O‘zbek rus tili o‘qituvchilari Sankt-Peterburgda malakasini oshirmoqda
O‘zbekistonlik russhunos mutaxassislar Sankt-Peterburgdagi "Qishki maktab‘da, 10 mamlakatdan kelgan mutaxassislar uchun tashkil etilgan malaka oshirish kurslarida qatnashmoqda. 40 dan ortiq o‘qituvchi, shu jumladan o‘zbekistonlik o‘qituvchilar 15 fevralga qadar ta’lim oladi.
O‘zbekiston Rossiyaning ta’lim va madaniyat sohasidagi eng muhim hamkorlaridan biri hisoblanadi. O‘zbekistonlik o‘qituvchilarning "Qishki maktab“da ishtiroki boshqa mamlakatlardan kelgan hamkasblari bilan tajriba almashish va zamonaviy Rossiya haqidagi bilimlarini chuqurlashtirish imkonini beradi.
“Rus tili dunyo bilan aloqalarimizning asosiy unsuridir. <...> Bugun biz maktablarda rus tilini ikkinchi til sifatida o‘qitadigan o‘qituvchilar uchun ’Qishki maktab’ni ochmoqdamiz,” — dedi Sankt-Peterburg tashqi aloqalar qo‘mitasi vakili Sergey Markov.
Kurslar Sankt-Peterburg tashqi aloqalar qo‘mitasi tomonidan Rossotrudnichestvo bilan hamkorlikda tashkil etilmoqda. Olti yildan buyon amalga oshirilayotgan “Qishki maktab” loyihasi dasturi ishtirokchilarga rus tilini chet tili sifatida o‘qitishning zamonaviy usullarini o‘zlashtirish va o‘quvchilar nutqini rivojlantirish uchun interaktiv ish shakllarini joriy etish imkonini beradi. Dasturni muvaffaqiyatli yakunlagan ishtirokchilarga davlat namunasidagi sertifikat topshiriladi.