Tramp keng ko‘lamli hududiy rejalarni e’lon qildi
Donald Tramp matbuot anjumanida Panama kanali ustidan nazoratni qaytarish, Grenlandiyani Daniyadan sotib olish va Kanadani AQShning yangi shtatiga aylantirish kabi ulkan rejalarini taqdim etdi. Uning aytishicha, bu qadamlar mamlakatning iqtisodiy xavfsizligini mustahkamlash uchun zarur ekan.
Tramp, zarur bo‘lsa, iqtisodiy va hatto harbiy bosim o‘tkazishga tayyorligini bildirdi. Xususan, u Daniya Grenlandiyani sotishdan bosh tortsa, unga boj solish bilan tahdid qildi.
Prezident Meksika ko‘rfazi haqida ham fikr bildirdi va uning nomini Amerika ko‘rfaziga o‘zgartirishni taklif etdi. “Amerika qo‘ltig‘i... Bu juda ajoyib eshitiladi,” — dedi u va bu hududning ramziy ahamiyatini ta’kidlash istagini bildirdi.
Bundan tashqari, Tramp yana NATO mamlakatlarining mudofaa xarajatlari masalasiga to‘xtaldi. Uning ta’kidlashicha, hozirgi yalpi ichki mahsulotning ikki foizlik darajasi yetarli emas va AQSh ittifoqchilari mudofaa xarajatlarini besh foizgacha oshirishlari kerak. “Ularning barchasi bunga qodir,” — deya qo‘shimcha qildi Tramp, alyans a’zolarini “soxta nochorlik” uchun tanqid qilib.