Tramp Kennedi o‘ldirilishi sirlarini ochishni va’da qildi
Donald Tramp AQShning 35-prezidenti Jon Kennedining o‘ldirilishi bilan bog‘liq maxfiy hujjatlarni oshkor etish niyatini bildirdi. Bu va’da 19-yanvar kuni Vashingtondagi Capital One Arena mitingida, taxtga o‘tirish marosimidan sal oldin berilgan.
“Biz ko‘plab hujjatlarni, shu jumladan Jon Kennedi, uning ukasi Robert va doktor Martin Lyuter Kingning o‘ldirilishi bilan bog‘liq hujjatlarni oshkor etamiz,” dedi Tramp va bu ma’lumotlar keng jamoatchilik uchun ochiq bo‘lishini ta’kidladi.
Jon Kennedi 1963-yil 22-noyabrda Texas shtatining Dallas shahrida rasmiy tashrif chog‘ida otib o‘ldirilgan. Prezident kortejining shahar ko‘chalaridan o‘tishi paytida otishmalar sodir bo‘lgan, ulardan ikkitasi halokatli bo‘lgan. Shifokorlarning barcha harakatlariga qaramay, Kennedi yarim soatdan so‘ng vafot etgan.
Qora tanlilar fuqarolik huquqlari harakatining yetakchisi Martin Lyuter King 1968-yil 4-aprelda 39 yoshida Tennessi shtatining Memfis shahrida o‘ldirilgan. Uning nomi tenglik va erkinlik uchun kurash ramziga aylangan.