O‘zbekistonda "Yil imomi-2024" saylandi
O‘zbekistonda mamlakatning barcha hududlaridan 14 nafar eng yaxshi imomni jamlagan “2024-yil imomi” tanlovi yakuniga yetdi. G‘oliblik Namangandagi “Homiddin qori” masjidi imom-xatibi Muhammad Bobir domla Nasriddinovga nasib etdi.
G‘olib Haj safariga yo‘llanma va I darajali diplom bilan taqdirlandi.
Tanlov doirasida imomlar Qur’on, islom huquqi va tarixiga oid bilimlarini namoyish etdilar. Shuningdek, ularning ish faoliyatidagi yutuqlari, ommaviy axborot vositalaridagi chiqishlari va ma’rifiy faoliyatga qo‘shgan hissasi baholandi.
Diniy arboblar orasida ma’naviy yetakchilikni mustahkamlash va kasbiy mahoratni oshirishga qaratilgan mazkur tadbir imomlarning jamiyatdagi o‘rni naqadar muhim ekanligini yana bir bor ta’kidladi.