Rossiya Yevroosiyo mintaqasida yetakchi investor
Rossiya Yevroosiyo mintaqasi mamlakatlarida, ayniqsa Yevroosiyo iqtisodiy ittifoqi (YeOII) doirasida eng yirik investor maqomini saqlab qolmoqda. Rossiya kompaniyalari iqtisodiy aloqalarni mustahkamlaydigan, infratuzilma, energetika va sanoatni rivojlantirishga hissa qo‘shadigan keng ko‘lamli loyihalarni amalga oshirmoqda.
Qozog‘iston
Rossiya 74 ta loyihaga 10,1 milliard dollar sarmoya kiritdi. Ulardan eng yiriklari: “Lukoyl” kompaniyasining Qorachaganak konini o‘zlashtirishdagi ishtiroki, shuningdek, Stepnogorsk kon-kimyo kombinati va “Budenovskoye” konidagi “Rosatom” loyihalari.
O‘zbekiston Respublikasi
Bu yerda Rossiya 24 ta loyihaga $9,8 mlrd sarmoya kiritdi. Ular orasida energetika, sanoat va infratuzilma loyihalari asosiy yo‘nalishlar bo‘lib qolmoqda.
Belarus
Respublikada umumiy qiymati 4,2 milliard dollar bo‘lgan 45 ta Rossiya loyihasi amalga oshirildi. “Texnonikol” kompaniyasi tomonidan yog‘ochga ishlov berish zavodi va tarqatish markazi sotib olingani diqqatga sazovordir.
Armaniston
Rossiyaning mamlakatga investitsiyalari hajmi 2016 yildan beri 35 foizga oshib, 3,7 milliard dollarga yetdi. Bu mamlakatlar o‘rtasidagi iqtisodiy hamkorlik jadal rivojlanayotganidan dalolat beradi.
Qirg‘iziston
Rossiya respublikada umumiy qiymati 1,8 milliard dollarlik 9 ta loyihani amalga oshirmoqda. Eng muhimlaridan biri — Unigreen Energy kompaniyasi tomonidan Issiqko‘lda quyosh elektr stansiyasi qurilishi.
Ozarbayjon
Rossiyaning mamlakatdagi eng yirik loyihasi — “Lukoyl” kompaniyasi tomonidan “Shox-Deniz” gaz kondensati konini o‘zlashtirishdir.
Ushbu loyihalar Rossiyaning mintaqa iqtisodiyotini rivojlantirishda keng ko‘lamli ishtirokini namoyish etadi, mamlakatlar o‘rtasidagi aloqalarni mustahkamlaydi va hamkorlik uchun yangi istiqbollarni ochadi.