O‘zbekistonda "Yoshlar turizmi oyi" o‘tkazilmoqda
“Yoshlar turizmi oyi” doirasida maktab o‘quvchilari, talabalar va yoshlar bir oy davomida turar joy va umumiy ovqatlanish joylarida taqdim etilgan chegirmalardan foydalanish imkoniyatiga ega bo‘ladi.
Shuningdek, aksiyada yoshlar madaniy meros obyektlari va muzeylarga tashrif buyurganida, ularga tariximiz bilan tanishtiruvchi master-klasslar va teatrlashtirilgan namoyishlar tashkil etiladi. Bu haqda “Karavan-Info” tahririyatiga turizmni rivojlantirish davlat qo‘mitasidan ma’lum qilishdi.
Bundan tashqari, bir oy davomida yoshlar uchun hunarmandchilik buyumlari tayyorlash bo‘yicha “davra suhbatlari” va kitob o‘qish kunlari o‘tkaziladi.
“Karavan-Info”