Toshkentda MDH davlatlari temir yo‘l transporti kengashining 81-yig‘ilishi bo‘lib o‘tdi
Ochilish marosimida “RJD” AJ bosh direktori Oleg Belozyorov so‘z olib, uchrashuv qatnashchilarini qutladi va o‘zbekistonlik hamkorlar bilan samarali hamkorlikni ta’kidladi. Uning aytishicha, mamlakatlar o‘rtasidagi aloqalarni mustahkamlash maqsadida temir yo‘l transportida qo‘shma sayyohlik yo‘nalishlarini yaratish bo‘yicha faol ishlar olib borilmoqda.
Belozyorov, shuningdek, Kengash doirasida tajriba almashish va dolzarb masalalarni muhokama qilish uchun muhim maydon sifatida o‘zini oqlagan har yilgi Yo‘lovchilar forumi faoliyatini qayta tiklashini ma’lum qildi. Majlis ishtirokchilari barcha takliflarni qo‘llab-quvvatlab, bir ovozdan qaror qabul qildilar. Kengashning navbatdagi yig‘ilishi 2025-yilning ikkinchi choragida o‘tkazilishi rejalashtirilgan.