Chekish umrni qisqartiradi: sigaretaning sog‘liqqa ta’sirini baholash
Mutaxassislarning ta’kidlashicha, har bir sigaret inson umrini taxminan 20 daqiqaga qisqartiradi. Bu esa, 20 ta sigaretali bir quti chekuvchining hayotidan deyarli yetti soatni olib qo‘yishi mumkinligini anglatadi.
Agar kuniga 10 ta sigaret chekadigan odam 1-yanvardan boshlab bu zararli odatni tashlasa, 8-yanvarga kelib butun bir kunlik umrini saqlab qolishi mumkin. 5-fevralgacha chekishni tashlash uning umriga bir hafta, 5-avgustgacha esa bir oy qo‘shadi. Baholashlarga ko‘ra, yil oxiriga kelib, sobiq chekuvchi 50 kunlik umrini yo‘qotishdan saqlanib qolishi mumkin.
Chekish hayotning sog‘lom yillariga eng katta ta’sir ko‘rsatib, sog‘liqning yomonlashish davrini yaqinlashtiradi. Masalan, ekspertlarning ta’kidlashicha, 60 yoshli chekuvchi 70 yoshli chekmaydigan odamning salomatlik holatiga ega bo‘lishi mumkin.
Chekishni tashlash nafaqat umrni uzaytiradi, balki keksalik davrida hayot sifatini saqlash, jiddiy kasalliklar xavfini kamaytirish va umumiy salomatlik darajasini oshirish imkonini ham beradi.