O‘zbekistonda maktablarda jismoniy tarbiya bo‘yicha yangi yondashuvlar joriy etiladi
Shavkat Mirziyoyev maktablarda jismoniy tarbiya va harbiy-vatanparvarlik ta’limi sifatini oshirishga qaratilgan taqdimot bilan tanishdi.
O‘zbekiston maktablarida olimpiya, noolimpiya va milliy sport turlari bo‘yicha mashg‘ulotlar o‘tkazilmoqda, biroq jismoniy tarbiya o‘qituvchilari uchun metodik qo‘llanmalar mavjud emas va o‘quvchilarni sport tadbirlariga saralash tizimi yo‘lga qo‘yilmagan.
Shu munosabat bilan, jismoniy tarbiya bo‘yicha o‘quv materiallari ishlab chiqiladi, shuningdek, yangi o‘quv yilidan boshlab maktab sport klublari uchun yangi dastur yaratish rejalashtirilgan.
Vatanparvarlik tarbiyasini yaxshilash masalasi ham ko‘rib chiqilmoqda. Prezident harbiy xizmatchilar va boshlang‘ich harbiy tayyorgarlik o‘qituvchilari o‘quvchilarga o‘rnak bo‘lishi kerakligini ta’kidladi. Hozirda maktablarda taxminan o‘n mingta shunday o‘qituvchi ishlamoqda, lekin ularning uchdan bir qismi maxsus ma’lumotga ega emas va ayrim maktablarda vatanparvarlik tarbiyasi uchun sharoitlar yo‘q. Shu bois Mudofaa vazirligi maktablarni kadrlar bilan ta’minlash, zaxiradagi harbiy xizmatchilarni ishga qabul qilish bilan shug‘ullanadi. Shuningdek, har bir tumanda o‘smirlar uchun vatanparvarlik tarbiyasining markaziga aylanishi ko‘zda tutilgan "Jasorat maktablari“ni tashkil etish rejalashtirilgan.