Rossiyaning saratonga qarshi vaksinasi bir yil ichida qo‘llanishga tayyor bo‘lishi mumkin
Federal tibbiy-biologik agentlik (FMA) rahbari Veronika Skvorsova Rossiyaning saratonga qarshi vaksinasi ishlab chiqarishning so‘nggi bosqichida ekanligini va kelgusi yildanoq bemorlar undan foydalanishi mumkinligini ma’lum qildi. Bu bayonot Rossiya prezidenti Vladimir Putin bilan uchrashuvda bildirildi.
Skvorsovaning ta’kidlashicha, olimlar shaxsiylashtirilgan dori vositalarini, jumladan saratonga qarshi vaksinalarni yaratishga qaratilgan uch yillik tadqiqot davrini yakunlaganlar. Ishlab chiqarishdagi yutuq bu yil qabul qilingan, bunday dorilarni davolashda qo‘llashga imkon beradigan qonun tufayli amalga oshdi.
“Biz ko‘p yillik tadqiqotlar davrini deyarli yakunladik. Yangi qonunchilik tufayli kelgusi yildan boshlab bemorlarda vaksinani qo‘llashni boshlashni rejalashtirmoqdamiz,” — dedi Skvorsova.
Rossiya Prezidenti erishilgan yutuqlarni yuqori baholab, ishlanmaning ahamiyatini ta’kidladi. “Bu har qanday holatda ham muhim yutuq bo‘ladi,” — deya izoh berdi Vladimir Putin.