O‘zbekiston Sog‘liqni saqlash xizmati OITS profilaktikasi haqida eslatdi
OITS infeksiyasi uzoq vaqtdan beri butun dunyoga tarqalgan va O‘zbekiston ham bundan mustasno emas. Kasallikning ilk holatlari 1987-yilda xorijiy fuqarolar orasida qayd etilgan bo‘lsa, keyinchalik mahalliy aholi orasida ham aniqlangan. Bugungi kunda kasallik ko‘pincha 25 yoshdan 45 yoshgacha bo‘lgan respublika aholisida uchramoqda.
OITS inson immunitet tizimini zararlovchi virus bo‘lib, organizmning kasalliklardan himoyalanish qobiliyatini pasaytiradi. OITS infeksiyalangan odam virus tashuvchisiga aylanib, uni boshqa odamlarga yuqishi mumkin. Virus asosan himoyalanmagan jinsiy aloqa orqali, qon orqali (masalan, steril bo‘lmagan tibbiy asbob-uskunalar yoki in’ektsiyalar orqali), shuningdek, homiladorlik yoki tug‘ruq paytida onadan bolaga yuqadi.
Muhim eslatma shundaki, OITS sog‘lom teri, qo‘l berib ko‘rishish, quchoqlashish, umumiy idish va hojatxona vositalaridan foydalanish, hasharot chaqishi yoki havo-tomchi yo‘li bilan yuqmaydi.
Infektsiyadan himoyalanish uchun sog‘lom turmush tarziga rioya qilish, himoyalanmagan jinsiy aloqa qilmaslik, tibbiy va turmushda ishlatiladigan vositalar, masalan, manikyur, soqol olish va tatuirovka qilish asboblarining sterilligiga e’tibor berish zarur. Ushbu gigiyenik me’yorlarga rioya qilish OITSning yuqishini oldini olishga yordam beradi.