Prezident Administratsiyasi qisqartirishlar haqidagi mish-mishlarni inkor etdi
Ijtimoiy tarmoqlarda davlat organlarida keng ko‘lamli qisqartirishlar haqidagi mish-mishlar qizg‘in muhokama qilinayotgan bo‘lsa-da, Prezident Administratsiyasi bu ma’lumotni rad etdi. Davlat rahbarining matbuot kotibi Sherzod Asadov shtat sonini 50 foizga qisqartirish bo‘yicha hech qanday qaror qabul qilinmaganini ma’lum qildi.
U shtatlarni optimallashtirish jarayoni barcha davlat organlari — Prezident Administratsiyasidan tortib joylardagi idoralargacha bo‘lgan standart amaliyot ekanligini ta’kidladi. Buning maqsadi boshqaruv samaradorligini oshirish, bir-birini takrorlovchi vazifalarni bartaraf etish va byudjet mablag‘larini yanada oqilona sarflashdan iborat.
Asadov ehtimoliy o‘zgarishlar faqat batafsil tahlildan so‘ng aniqlanishini qayd etib, ommaviy axborot vositalari, blogerlar va ijtimoiy tarmoq foydalanuvchilarini faqat rasmiy axborot manbalariga ishonishga chaqirdi.