“Humo” XK “Irtish” bilan o‘yinlarda xayriya aksiyasini o‘tkazadi
Toshkentning “Humo” xokkey jamoasi 3-dekabr kuni soat 19:30 da va 4-dekabr kuni soat 18:30 da Humo Arenada bo‘lib o‘tadigan muntazam chempionatning navbatdagi o‘yinlariga barcha muxlislarni taklif etadi. "Humo“ning raqibi “Irtish” jamoasi bo‘ladi.
Kelgusi o‘yinlarning o‘ziga xos jihati Xalqaro uy hayvonlarini himoya qilish kuniga bag‘ishlangan xayriya aksiyasi bo‘ladi. Arena foyesida mehribonlik burchagi tashkil etilib, u yerda muxlislar hayvonlarga yordam berishga o‘z hissalarini qo‘shishlari mumkin. Har bir istagan kishi to‘rt oyoqli do‘stlarini qo‘llab-quvvatlash uchun ozuqa olib kelishi yoki moliyaviy yordam ko‘rsatishi mumkin.
Tashkilotchilar o‘yinlarga keluvchilarni aksiyaga qo‘shilishga undaydi: “Keling, birgalikda hayvonlarning hayotini yaxshilaymiz!”
Yorqin sport tomoshasidan tashqari, tadbir ishtirokchilariga ezgu ishning bir qismi bo‘lish imkoniyati taqdim etiladi.