Kanadada sirli miya kasalligi tarqalgani qayd etildi
Kanadaning Nyu-Brunsvik viloyatida noma’lum miya kasalligi tarqalmoqda, u asosan 45 yoshgacha bo‘lgan yoshlarni zararlayapti.
Viloyat bosh vaziri Syuzan Xolt Federal sog‘liqni saqlash agentligiga batafsil tekshiruv o‘tkazish iltimosi bilan murojaat qildi. “Biz bu kasallikni qanday aniqlash, tashxis qo‘yish va davolashni bilmaymiz, hatto uning sababini ham tushunmaymiz,” — dedi Xolt.
Kasallik neyrodegenerativ sindromlar bilan tavsiflanadi, jumladan bezovtalik, uyqu buzilishi, qo‘l-oyoq og‘rig‘i, mushak titrashi, muvozanat buzilishi, ko‘rish qobiliyatining pasayishi va gallyutsinatsiyalar kuzatiladi.
Kasallikdan zarar ko‘rganlar soni bir necha yuz kishini tashkil etadi, ularning aksariyati 45 yoshdan kichik.
Mutaxassislar kasallikning tabiatini o‘rganish juda muhimligini ta’kidlamoqdalar. Viloyat ilgari ham shunday holatlarga duch kelgan, ammo kasallikning yangi tarqalishi alohida tashvish uyg‘otmoqda.