MDH ekspertlari dori vositalarining ommabopligi to‘g‘risidagi yangi model qonunni muhokama qildilar
MDH Parlamentlararo Assambleyasi doirasida “Dori vositalarining samaradorligi va ommabopligi: texnologiyadan va dalillardan bemorgacha” mavzusida yakuniy ekspertlar sessiyasi o‘tkazildi.
Tadbir Sog‘liqni saqlash bo‘yicha ekspertlar kengashi, MDH PA Kotibiyati va “Klinik tavsiyalar va milliy salomatlikni rivojlantirish bo‘yicha Yevroosiyo hamkorligi” xalqaro tashkiloti tomonidan MDH Ijroiya qo‘mitasi va Jahon sog‘liqni saqlash tashkiloti ko‘magida tashkil etildi.
Sessiyada MDH mamlakatlari parlamentlari, xalqaro tashkilotlar, milliy fanlar akademiyalari, farmatsevtika kompaniyalari va bemorlar hamjamiyatlari vakillari ishtirok etdilar. Ishtirokchilar orasida O‘zbekiston Respublikasi Oliy Majlisi Senatining Fan, ta’lim va sog‘liqni saqlash masalalari qo‘mitasi raisi Bahrom Abdullayev ham bor edi.
Uchrashuvning asosiy masalasi "MDHga a’zo davlatlarda dori-darmon ta’minoti to‘g‘risida‘gi model qonun loyihasi bo‘ldi. Ishtirokchilar hujjat qoidalarini batafsil muhokama qildilar va Hamdo‘stlik mamlakatlarining sog‘liqni saqlash tizimida dalillarga asoslangan tibbiyotni qo‘llashni kuchaytirish uchun milliy dalillarga asoslangan bazani rivojlantirishga alohida e’tibor qaratdilar.
Tadbir mintaqa davlatlarining ijtimoiy-iqtisodiy rivojlanishida muhim ahamiyatga ega bo‘lgan arzon va samarali dori-darmon ta’minoti tizimlarini yaratishning muhimligini ta’kidladi.