Senatda yodlangan tuz sifati muammosi ko‘rib chiqildi
Oliy Majlis Senatida mudofaa va xavfsizlik, shuningdek fan, ta’lim va sog‘liqni saqlash masalalari bo‘yicha qo‘mitalarning qo‘shma majlisi o‘tkazildi. Ishtirokchilar ‘Yod tanqisligi bilan bog‘liq kasalliklar profilaktikasi to‘g‘risida"gi qonun ijrosini, ayniqsa yodlangan tuz va oziq-ovqat mahsulotlari sifati ustidan davlat nazoratiga e’tibor qaratgan holda muhokama qildilar.
So‘nggi 20 yil ichida yod tanqisligi tarqalishi 2,5 barobar kamayganiga qaramay, muammo dolzarbligicha qolmoqda: O‘zbekiston aholisining 31 foizi hamon yod tanqisligiga duch kelmoqda. Qoraqalpog‘iston, Surxondaryo, Jizzax va Buxoro viloyatlari kabi ayrim hududlarda kasallanish ko‘rsatkichlari mamlakatdagi o‘rtacha ko‘rsatkichlardan sezilarli darajada yuqori. Ayniqsa, bolalar va o‘smirlar orasidagi vaziyat tashvishli.
2024-yilda o‘tkazilgan tekshiruvlar natijasida korxonalardan olingan tuz namunalarining qariyb to‘rtdan bir qismi va ta’lim muassasalaridan olingan namunalarning uchdan bir qismidan ko‘prog‘i yod miqdori bo‘yicha standartlarga javob bermasligi aniqlandi. Bundan tashqari, Sirdaryo viloyatida sanitariya qoidalariga rioya qilmagan va zarur hujjatlarga ega bo‘lmagan holda tuzni noqonuniy qayta ishlash bilan shug‘ullanayotgan korxonalar aniqlandi.
Senatorlar yodlangan tuzni ishlab chiqarish va sotish ustidan nazorat sifatini oshirish, standartlarni xalqaro me’yorlarga muvofiqlashtirish va kasalliklarning oldini olish choralarini kuchaytirish zarurligini ta’kidladilar.