Jizzax viloyati Zomin tumanida "Rahbar va yoshlar" uchrashuvi o‘tkazildi
Jizzax viloyati Zomin tumanida Markaziy harbiy okrug rahbariyati va O‘zbekiston Yoshlar ittifoqi viloyat kengashi vakillari bilan yoshlar uchrashuvi bo‘lib o‘tdi. Tadbir yosh avlodni vatanparvarlik ruhida tarbiyalash va yoshlarga ijtimoiy yordam ko‘rsatishga qaratilgan.
Tadbir davomida ishtirokchilarga milliy armiyamizning qudrati va u taqdim etayotgan imkoniyatlar haqida ma’lumot berildi. Shuningdek, oliy harbiy ta’lim muassasalari va akademik litseylarga qanday qabul qilinish, O‘zbekiston Qurolli Kuchlarida xizmat o‘tash tartibi haqida tushuntirishlar berildi.
Bundan tashqari, tuman hokimligi va boshqa rasmiy tuzilmalar bilan hamkorlikda yoshlarning harbiy va ijtimoiy sohaga oid muammolari muhokama qilindi. Vasiylik ostidagi yoshlar bilan ishlashni takomillashtirish maqsadida mahallalardagi yoshlar yetakchilarining mas’uliyatini oshirish bo‘yicha tavsiyalar berildi.