‘O‘zkomnazorat‘ning yangi rahbari tayinlandi
O‘zbekiston Prezidenti Shavkat Mirziyoyev Farrux Rustamovni Raqamli texnologiyalar vazirligi qoshidagi Axborotlashtirish va telekommunikatsiyalar sohasida nazorat inspeksiyasi (“O‘zkomnazorat”) boshlig‘i lavozimiga tayinladi.
Farrux Rustamov bu lavozimda 2022-yil aprelidan beri inspeksiyani boshqarib kelgan A’zam Abdullayevning o‘rnini egalladi. Yangi tayinlovdan oldin, 2024-yil yanvar oyida Rustamov “O‘zbektelekom” kompaniyasi tarkibidagi Uzmobile mobil operatori filialining direktori lavozimida faoliyat yuritgan.
U bundan avval Toshkent shahri markaziy aloqa telefon tarmog‘i boshlig‘i va ‘O‘zbektelekom“da “Toshkent shahar telefon tarmog‘i” filiali direktori lavozimlarida ishlagan. Rustamov o‘z faoliyati davomida mamlakatning telekommunikatsiya sohasida bir qator boshqa muhim lavozimlarni ham egallab kelgan.