Toshkent mayi: 50 yillik iqlim kuzatuvlari haroratning ko‘tarilayotganini ko‘rsatmoqda
Toshkentda may oyi tobora issiqlashmoqda: so‘nggi 50 yil ichida bu davrda haroratning barqaror ko‘tarilish tendensiyasi kuzatilmoqda. Minimal havo harorati bir necha darajaga ko‘tarildi, maksimal qiymatlari esa 39°C ga yaqinlashmoqda, bu esa mintaqada jiddiy iqlimiy o‘zgarishlar yuz berayotganidan dalolat beradi.
So‘nggi yarim asrdagi may oyi ma’lumotlari tahlili quyidagi tendensiyalarni ko‘rsatmoqda:
May oyidagi maksimal harorat odatda 33°C dan 39°C gacha o‘zgarib turadi, rekord ko‘rsatkichlar 1986 (38,7°C) va 2004 (38,6°C) yillarda qayd etilgan. So‘nggi o‘n yil ichida maksimal haroratning oshishi aniq kuzatilmoqda.
May oyidagi minimal havo harorati 1975-2003-yillarda o‘rtacha 0°C dan 8°C gacha bo‘lgan bo‘lsa, 2004-2024-yillarda bu oraliq 5-12°C gacha ko‘tarildi. Eng past harorat 1989-yilda qayd etilgan va -1,7°C ni tashkil etgan.
Umuman olganda, tahlil natijalari Toshkentda may oyida minimal haroratning asta-sekin ko‘tarilishini ko‘rsatmoqda, bu esa iqlim va ekologiya bo‘yicha mutaxassislarni xavotirga solmoqda.