Oliy Majlisda sud kafolatlarini kuchaytirish to‘g‘risidagi qonun loyihasi ko‘rib chiqildi
Oliy Majlis Qonunchilik palatasining navbatdagi yalpi majlisida Konstitutsiyaviy kafolatlarni mustahkamlash va sud tizimi orqali fuqarolar huquqlarini himoya qilishga qaratilgan qonun loyihasi muhokama qilindi.
Qonun loyihasi bir qator qonunchilik hujjatlariga o‘zgartishlar kiritmoqda. Jumladan, ‘O‘zbekiston Respublikasi Oliy sud kengashi to‘g‘risida‘gi Qonunda kengash raisi, rais o‘rinbosari, a’zolari va kotibini saylash tartibi aniq belgilanmoqda. Ushbu lavozimlar Prezident taqdimnomasiga ko‘ra Senat tomonidan saylanadi va bir shaxs mazkur lavozimlarni ketma-ket ikki muddatdan ortiq egallashi mumkin emas.
Shuningdek, ‘Sudlar to‘g‘risida‘gi Qonunga o‘zgartishlar kiritildi. Unda odil sudlov faqat sudlar tomonidan amalga oshirilishi ta’kidlandi. Kuchga kirgan sud qarorlari barcha hokimiyat organlari, tashkilotlar va fuqarolar uchun majburiy hisoblanadi. Bundan tashqari, fuqarolar huquqlarini himoya qilish kuchaytirildi: ularga davlat organlari va boshqa tashkilotlarning noqonuniy harakatlari yoki harakatsizligi ustidan shikoyat qilish huquqi berilmoqda. Qolaversa, loyihada aybsizlik prezumpsiyasi va fuqarolarni noqonuniy hibsga olishlardan himoya qiladigan “habeas corpus” instituti mustahkamlanmoqda.