O‘zbekistonning Istanbuldagi Bosh konsulxonasi turk komediya aktrisa bayonotlariga huquqiy baho berilishini talab qilmoqda
O‘zbekistonning Istanbuldagi Bosh konsulxonasi Turkiya huquq-tartibot idoralariga murojaat qilib, mahalliy komediya aktrisasining o‘zbek jamiyatida keng aks-sado uyg‘otgan fikrlarini huquqiy ekspertizadan o‘tkazish va baholashni so‘ragan.
Voqea hazilkash ayolning chiqishi bilan bog‘liq bo‘lib, u sun’iy kiprik taqqan ayollarni noo‘rin taqqoslagan va o‘zbek ayollarini salbiy jihatdan tilga olgan. Bu so‘zlar O‘zbekiston ijtimoiy tarmoq foydalanuvchilari, ayniqsa, ayollar orasida kuchli norozilik to‘lqinini keltirib chiqargan.
Ko‘plab o‘zbek ayollari bunday gaplar ularning sha’ni va qadr-qimmatiga tegganini aytishgan. Bunga javoban ular sudga jamoaviy murojaat uyushtirishgan va komediya aktrisasiga qarshi arizalar tayyorlashgan.
Bosh konsulxona milliy sha’n va qadr-qimmatni hurmat qilish zarurligini ta’kidlab, o‘z nuqtai nazarini bildirgan, shuningdek, Turkiya huquqni muhofaza qilish organlarini bunday fikrlarga baho berishga chaqirgan.