Angrenda “Angren Siti” turar joy majmuasi qurilishi boshlanadi
2025-yildan boshlab Angren shahrida “Angren Siti” turar joy majmuasini bosqichma-bosqich qurish ishlari amalga oshiriladi. Loyiha uchun 35 gektar maydon ajratilgan.
9 qavatdan 16 qavatgacha bo‘lgan 41 ta ko‘p qavatli uy barpo etilishi rejalashtirilgan bo‘lib, ularda 2810 ta xonadon joylashadi. Shuningdek, majmuada maktab, bolalar bog‘chasi, shifoxona, ijtimoiy soha muassasalari va ko‘ngilochar obyektlar quriladi.
Loyiha doirasida 400 dan ortiq yangi ish o‘rni yaratilishi ko‘zda tutilgan. Hisob-kitoblarga ko‘ra, yangi mikrorayon hududida ko‘rsatiladigan xizmatlarning yillik hajmi 1,5 milliard so‘mdan oshadi.
Muhandislik kommunikatsiyalarini qurishni o‘z ichiga olgan ishlarning birinchi bosqichi uchun 96 milliard so‘m ajratish rejalashtirilmoqda.