O‘zbekiston va YUNISEF bolalar huquqlarini himoya qilish sohasida hamkorlikni yo‘lga qo‘ymoqda
O‘zbekiston Oliy Majlisi Senati (parlamentning yuqori palatasi) raisi Tanzila Narbayeva YUNISEFning mamlakatimizdagi vakolatxonasi rahbari Regina Maria Kastijio bilan uchrashuv o‘tkazdi. Tomonlar ikki tomonlama hamkorlikni rivojlantirish, bolalar va yoshlar huquqlarini himoya qilish, shuningdek ijtimoiy himoya tizimini takomillashtirish masalalarini muhokama qildilar.
Maktab va bolalar bog‘chalarida sifatli ta’limni ta’minlash, bolalarni ijtimoiy himoya qilish mexanizmlarini kuchaytirish, hamda mutaxassislar malakasini oshirish borasidagi hamkorlikni kengaytirish yuzasidan fikr almashildi.
O‘zbekiston va YUNISEF hamkorlikni yangi bosqichga olib chiqish, joriy loyihalar samaradorligini oshirish va bolalar huquqlarini ta’minlashga qaratilgan yangi tashabbuslarni ilgari surish bo‘yicha birgalikda ishlashga kelishib oldilar