Rossiya Federatsiyasining O‘zbekistondagi elchixonasining munosabatlarni beqarorlashtirish urinishiga oid sharhi
Rossiya Federal xavfsizlik xizmati o‘zini rossiyalik qilib ko‘rsatib, o‘zbeklarga nisbatan shovinistik fikrlarni tarqatgan Ukraina fuqarosining shaxsini aniqladi. U Nikolayev viloyatida tug‘ilgan, Ukraina Qurolli kuchlarini qo‘llab-quvvatlovchi Nikolay Kochmarik bo‘lib chiqdi. Provokatsion video Litva maxsus xizmatlari nazoratidagi YouTube kanalida joylashtirilgan edi.
Rossiyaning O‘zbekistondagi elchixonasi Rossiya-O‘zbekiston munosabatlarini zaiflashtirish maqsadidagi bunday soxta harakatlarni qoraladi. Diplomatik vakolatxona ikki mamlakat o‘rtasidagi aloqalar do‘stlik, o‘zaro hurmat va umumiy farovonlikka intilish asosiga qurilganini ta’kidladi.
Rossiya tomoni bunday Rossiyaga qarshi axborot hujumlari O‘zbekistonda aks-sado topmasligiga, qardosh xalqlar esa millatlararo provokatsiyalar qurboni bo‘lmasligiga ishonch bildirdi. Ommaviy axborot vositalari axborotni tekshirishga va vaziyatni beqarorlashtirish maqsadida yaratilgan tekshirilmagan materiallarni tarqatmaslikka chaqirildi.