O‘zbekiston yangi xalqaro avtobus yo‘nalishlarini yo‘lga qo‘ymoqda
O‘zbekiston Transport vazirligi mamlakat fuqarolariga Xitoy, Rossiya, Qozog‘iston, Tojikiston va Qirg‘izistonga sayohat qilish imkonini beradigan yangi xalqaro avtobus yo‘nalishlarini yo‘lga qo‘yishni e’lon qildi.
Nukus — Urganch — Buxoro — Urumchi yo‘nalishi bo‘yicha Xitoyga marshrutning ochilishi alohida yangilik bo‘ldi.
Qozog‘istondagi yo‘nalishlar orasida Buxoro — Turkiston, Urganch — Aqto‘be va Tojikiston hududidan o‘tib Farg‘ona — Olmaota marshrutlari paydo bo‘ladi.
Tojikistonga sayohat qilish uchun Samarqand — Dushanbe va Buxoro — Dushanbe reyslari, Qirg‘izistonga sayohat qilish uchun esa Andijondan O‘sh, Jalolobod va Arslonbobga yo‘nalishlar tashkil etilgan. Shuningdek, Kosonsoy — Jalolobod va Buxoro — Bishkek yo‘nalishlarida avtobuslar qatnovi yo‘lga qo‘yiladi.
O‘zbekiston aholisi Rossiya shaharlariga, jumladan, Moskva, Ufa va Krasnodorga Surxondaryo, Buxoro, Urganch va Nukus orqali boradigan marshrutlar orqali yetib borishi mumkin bo‘ladi.