Oliy Majlis Raisi Belarus Milliy Assambleyasi Kengashi Raisi bilan uchrashdi
MDH Parlamentlararo Assambleyasi Kengashi majlisi doirasida O‘zbekiston Oliy Majlisi Senati Raisi Tanzila Narbayeva Belarus Milliy Majlisi Respublika Kengashi Raisi Natalya Kochanova bilan uchrashdi.
Kochanova Narbayevani O‘zbekistonda parlament saylovlari muvaffaqiyatli yakunlangani va u Senat Raisi lavozimiga qayta saylangani bilan tabrikladi.
Uchrashuvda savdo-iqtisodiy va madaniy-gumanitar sohalardagi hamkorlikni rivojlantirish, shuningdek O‘zbekiston va Belarus o‘rtasidagi parlamentlararo aloqalarni mustahkamlash masalalari muhokama etildi. Qonunchilik faoliyatida tajriba almashishga alohida e’tibor qaratildi.
Tomonlar kelgusi yilga rejalashtirilgan tadbirlarning tashkiliy jihatlarini ham ko‘rib chiqdilar. Bular qatoriga ikki mamlakat mahalliy hokimiyat organlari vakillari ishtirokidagi mintaqalararo forum, III O‘zbekiston-Belarus ayollar biznes-forumi va Yoshlar parlamentining qo‘shma majlisi kiradi. Mazkur tadbirlar O‘zbekiston delegatsiyasining Belarusga amaliy tashrifi doirasida o‘tkaziladi.
Uchrashuvda ikki mamlakat o‘rtasidagi muloqotni kengaytirish o‘zaro tushunish va hamkorlikni mustahkamlashga xizmat qilishi, qo‘shma tashabbuslarni amalga oshirish uchun yangi imkoniyatlar yaratishi ta’kidlandi.