O‘zbekiston Senati raisi Qozog‘iston va Rossiya parlamentlari palatalarining rahbarlari bilan uchrashdi
O‘zbekiston Oliy Majlisi Senati raisi Tanzila Narbayeva Sankt-Peterburgga ish safari doirasida Rossiya Federatsiyasi Federal Yig‘ilishi Federatsiya Kengashi raisi Valentina Matviyenko va Qozog‘iston Parlamenti Senati raisi Maulen Ashimbayev bilan uchrashdi.
Uchrashuvlar davomida Matviyenko va Ashimbayev Narbayevani Senat raisi lavozimiga qayta saylangani bilan tabriklab, uning muvaffaqiyatli faoliyat olib borishiga ishonch bildirdilar.
Muzokaralar chog‘ida tomonlar parlamentlar o‘rtasidagi hamkorlikni chuqurlashtirish chora-tadbirlarini muhokama qildilar. Oliy darajada erishilgan kelishuvlarni amalga oshirish va mintaqaviy vakillik organlari o‘rtasidagi o‘zaro hamkorlikni mustahkamlashga alohida e’tibor qaratildi.
Bundan tashqari, MDH Parlamentlararo Assambleyasi faoliyatining asosiy masalalari kun tartibiga kiritildi. Ishtirokchilar umumiy maqsadlarni ilgari surish va mamlakatlar o‘rtasidagi hamkorlikni mustahkamlash uchun parlamentlararo aloqalarni rivojlantirish muhimligini ta’kidladilar.