O‘zbekistonda uy-joy qurilishiga yangi talablar taklif etildi
2025-yilga mo‘ljallangan davlat dasturi loyihasi doirasida, jamoatchilik muhokamasiga qo‘yilgan taklifga ko‘ra, O‘zbekistonda qurilish kompaniyalarini turar-joy binolari qurilishida avtomobil to‘xtash joylarini yaratishga majbur qilish rejalashtirilmoqda. Tegishli qonun loyihasini ishlab chiqish joriy yilning sentyabr oyiga belgilangan.
Bundan tashqari, dastur uy-joylarning energiya samaradorligi va ekologik xavfsizligini oshirishga qaratilgan tashabbuslarni o‘z ichiga oladi. Jumladan, sanitariya qurilmalarida ishlatiladigan suv hajmini 3-6 litrgacha cheklash, shuningdek, suv sarfini kamaytirish maqsadida aeratorli aralashtirgichlardan foydalanishni joriy etish ko‘zda tutilgan.
Shuningdek, binolarning energiya tejamkorligini yaxshilash uchun devorlarni bazalt materiallari bilan izolyatsiyalash hamda xonadon egalarining xavfsizligini ta’minlash maqsadida is gazi signalizatorlarini o‘rnatish rejalashtirilgan.