Zokir Ishpo‘latov Suv obyektlarini ekspluatatsiya qilish agentligiga rahbar etib tayinlandi
Zokir Ishpo‘latov Suv xo‘jaligi vazirining o‘rinbosari hamda Suv xo‘jaligi obyektlaridan foydalanish agentligi direktori lavozimiga tayinlandi. Qaror O‘zbekiston Prezidenti tomonidan tasdiqlangani haqida vazirlik matbuot xizmati xabar berdi.
Bundan oldin Ishpo‘latov Vazirlar Mahkamasi kotibiyatida bosh mutaxassis lavozimida faoliyat yuritib, investitsiyalar, eksport, savdo, shuningdek, qishloq va suv xo‘jaligi masalalarini nazorat qilgan.
Yangi lavozimda u muhim vazifalarni bajarishi lozim bo‘ladi, jumladan, suv yetkazib berish limitlari va jadvallariga qat’iy amal qilish, suv resurslaridan foydalanish samaradorligini oshirish, nasos stansiyalari ishini takomillashtirish va elektr energiyasi iste’moli darajasini pasaytirish kabi masalalarni hal etish.