Gruziyada 2015-yildan buyon 87 ming kishi gepatit C dan davolandi
Gruziya gepatit C ni davolash davlat dasturi tufayli bepul amalga oshiriladigan noyob mamlakat bo‘lib qolmoqda. 2015-yildan beri 87 ming kishi kasallikdan butunlay xalos bo‘lganini Kasalliklarni nazorat qilish milliy markazining sobiq rahbari Amiran Gamkrelidze ma’lum qildi.
“Bugungi kunda katta yoshli aholining 80 foizi tekshiruvdan o‘tkazilgan, davolanish samaradorligi esa 99 foizga yetgan,” — deya u BMG media platformasiga bergan intervyusida ta’kidladi.
Dastlab uch oylik davolash kursi har bir bemor uchun 85 ming dollarga tushgan. Biroq, generik dorilar ishlab chiqarishning kengayishi bilan kurs narxi 300 dollargacha pasaydi.
Bundan tashqari, 2023-yil iyun oyidan boshlab Gruziyada gepatit B ni davolash ham bepul bo‘ldi. Ushbu yangilik mamlakat tomonidan eng zamonaviy dori vositalari yordamida amalga oshirilayotgan gepatit C ga qarshi kurashning muvaffaqiyatli dasturini to‘ldiradi.