Toshkent metropoliteni yanvarda to‘qqizta yangi tarkib oladi
Toshkent metropoliteni o‘z harakatlanuvchi tarkibini yangilashni davom ettirmoqda. 2025-yil yanvar oyida metro vagon deposiga 36 ta vagondan iborat to‘qqizta yangi tarkib keltiriladi. Bu haqda metropoliten harakat xizmati boshlig‘i Rustam Shofiqov “O‘zbekiston 24” telekanaliga bergan intervyusida ma’lum qildi.
2024-yil yakuniga qadar, poytaxt metrosi 17 ta yangi tarkibni qabul qilib oldi, ulardan uchtasi dekabr oyida keltirilgan. 12 vagondan iborat ushbu poyezdlar hozirda texnik sinovlardan o‘tmoqda, bu jarayon 9-10 kun ichida yakunlanadi.
Sentyabr oyida 2024-yil oxirigacha metropolitenga 48 ta yangi vagon yetkazib berilishi e’lon qilingan edi. Keyingi yilda parkni yana 56 ta zamonaviy vagon bilan to‘ldirish rejalashtirilmoqda.
Vagonlar parkini yangilash asosiy yo‘nalishlar — Chilonzor, O‘zbekiston, Yunusobod va Yer usti halqa yo‘llarida poyezdlar harakati oralig‘ini qisqartirish imkonini beradi. Rejalashtirilgan kutish vaqti hozirgi 4-9 daqiqa o‘rniga 2-3 daqiqani tashkil etadi.
Poytaxt metropoliteni dekabr oyida rekord darajadagi yuklama haqida ham ma’lum qildi, o‘shanda metro bir kunda 1 million yo‘lovchini tashigan.