Artur Yershov "Ladoga oltini" xalqaro velopoygasining g‘olibi bo‘ldi
O‘zbekiston nomidan ishtirok etayotgan Artur Yershov Peterburg xalqaro iqtisodiy forumi doirasida o‘tkazilgan "Ladoga oltini" xalqaro ko‘p kunlik velopoygasining yakuniy bosqichida g‘oliblikni qo‘lga kiritdi.
Musobaqaning so‘nggi, yettinchi bosqichi Sankt-Peterburgda bo‘lib o‘tdi. Unda sportchilar Eshkak eshish kanali hududida marraga yetib kelishdi. Aynan shu bosqichda Yershov murakkab masofada raqiblaridan o‘zib ketib, eng yaxshi natijani ko‘rsatdi.
9-15 iyun kunlari davom etgan ko‘p kunlik poyganing umumiy hisobida to‘rtinchi va beshinchi bosqichlarda g‘alaba qozongan rossiyalik velosportchi Artyomiy Xomyakov g‘olib bo‘ldi.
Yo‘nalishning umumiy uzunligi 788 kilometrni tashkil etib, "Igora Drayv" avtodromi, Michurinskoye va Krasnoselskoye qishloqlari, shuningdek, Viborg, Pitkyaranta va Olonets shaharlari orqali o‘tdi.